Actividade Política

As nosas opinións políticas, intervencións nas institucións, actividades...

CorruPPción: acto de Anova Compostela

Debate sobre a corruPPción en Compostela
Mércores, 29 de Maio de 2013. 19:30. Libraría Couceiro. Pza de Cervantes. Compostela. Organiza: Anova Compostela.

Encontro aberto con Beiras en Ourense

Encontro aberto coa cidadanía: "A situación política actual".

Venres 31 de maio, ás 20:00 horas, no Salón de Actos do Edificio de Ferro do Campus de Ourense.

Interveñen: Iolanda Pérez Docampo, David Fernández Calviño e Xosé Manuel Beiras.

Beiras denuncia “as aventuras demenciais” en que se embarcaron as caixas e “a fraude sen control” das preferentes‏

Xosé Manuel Beiras equipara as normas do Goberno de Rajoy cun imaxinario apoio aos gangsters no Chicago dos anos vinte e trinta.
As denominadas participacións preferentes, unha estafa organizada por bancos e caixas e posibilitada pola lasitude ética do neoliberalismo que afecta a 85.000 persoas en Galicia, foron "unha fraude sen control ningún".

Beiras propón acampadas para paralizar a mina en Corcoesto

Xosé Manuel Beiras propón acampadas para paralizar a mina de Corcoesto e solicita un referendo entre toda a cidadanía sobre o proxecto. "É unha cuestión de supervivencia", dixo, "non é unha broma". Beiras tamén instou ao PP a retirar o documento de inicio do "Plan sectorial de actividades extractivas de Galicia", que califica Corcoesto como "proxecto industrial estratéxico".

A lingua galega é unha lingua viva: manifesto no Día das Letras

Onte, 17 de maio, Xosé Manuel Beiras acompañou os representantes do Grupo de Lingua de Anova nunha rolda de prensa para presentar o manifesto polo 17 de Maio. A responsable de lingua, Mar Blanco, presentou o traballo realizado polo grupo centrado no contacto con distintas asociacións a prol da lingua e nas actividades de conmemoración de Cantares gallegos, cun acto nas redes sociais e para o vindeiro outono cunha acción pública en Padrón. >> Consulta o manifesto aquí.

A Coordinadora Nacional de Anova acorda contactos co BNG despois da celebración da Iª Asemblea Nacional

A Coordinadora Nacional de ANOVA, reunida en Santiago na súa sesión do pasado sábado 11 de maio, acordou, entre outras cosas, previo informe do seu Portavoz Nacional Xosé Manuiel Beiras e a proposta da súa Permanente Nacional, estabelecer contactos formais co Bloque Nacionalista Galego, pero adiando os mesmos até o remate da súa vindeira 1ª Asemblea Nacional dos días 8 e 9 de xuño, correspondendo por tanto á nova dirección saínte da mesma a formalización dos mesmos.

Beiras acusa á Xunta de considerar superfluos os cidadáns “mentres non se converten en súbditos”

Beiras denuncia que a conselleira de Facenda "ten o mérito dos computadores, métenlle o programa e recítao sen importarlle o que acontece". "Nesta colonia periférica do protectorado español do IV Reich", afirmou eiras, "vostedes compórtanse como unha UVI que para aforrar gasto reducen o tratamento dos pacientes".

Acto aberto na Estrada

Organizando Anova cultura política. O mércores, 15 de maio, ás 20:30 h no Teatro Principal da Estrada. Con Mar Blanco Casais, David Fernández Calviño e Martiño Noriega.