Miguel Anxo Fernán Vello formará parte da delegación do estado español á cimeira de solidariedade con Venezuela que terá lugar en Caracas a partir do 16 de setembro. Esta cimeira reunirá a delegados e delegadas dos cinco continentes. Miguel Anxo Fernán Vello participará nunha axustada axenda de mesas de traballo, percorridos, visitas e encontros con comunidades.
Fernán-Vello afirmou que “participarei na Cimeira de Solidariedade con Venezuela. É preciso romper a criminalización á que se está a someter á República Bolivariana. É necesario romper a imaxe esperpéntica que se da interesadamente de Venezuela, superar os vapores do odio que emanan desde algúns sectores”. O rol a xogar polo Estado español debe ser “o da non inxerencia na soberanía de Venezuela e desde logo, o de contribuir á paz social e ao diálogo construtivo”.