Dende Anova queremos denunciar o proceso de criminalización que se está a dar en contra dos Comités en Defensa da República (CDR) en Cataluña. Son espazos de mobilización cidadá contra a represión e a coalición do 155.
A ofensiva contra os CDR non se entende só dende unha óptica unicamente catalá, se non que pon en perigo os dereitos e as liberdades de todas as galegas. O Réxime do 78 vive unha deriva represiva e autoritaria na que se pretende amordazar á cidadanía consciente e rebelde.
Dende a Galicia que se move queremos manifestar a nosa solidariedade e apoio aos CDR e o conxunto do independentismo catalá, aos oito activistas que poden ser procesados inxustamente por desordes públicos, sedición, rebelión e mesmo terrorismo.
A represión non poderá frear a mobilización pola ruptura e a república.