Anova considera necesario preservar o espazo de Entre Todas e manter a candidatura no proceso interno de En Marea

Por Anova IN o 21 de Decembro de 2018 en Actualidade, Comunicados, Destaques

Onte na Coordinadora Nacional de Anova debatemos sobre a situación que vive neste momento En Marea, onde a actuación irresponsable da actual Coordinadora en funcións causou danos irreparables ao noso espazo político.

Diante da chantaxe á que nos vemos sometidos por este estado de excepción no que os organismos en funcións suplantan os acordos do Plenario do 27 de outubro, dende Anova entendemos que debemos manter a candidatura Entre Todas neste proceso interno para convertelo nun revogatorio contra a Coordinadora de Luís Villares.

Neste contexto faise necesario relanzar a Unidade Popular contando con aqueles continxentes que actúan nos diferentes espazos que compartimos, dándolle protagonismo ás mareas municipalistas e reinventado o espazo común.