Actos do 24 e 25 de xullo – República dende os Concellos

24 e 25 de xullo
República desde os concellos

Martes 24 de xullo, na Facultade de Filosofía da USC (Praza de Mazarelos) ás 19:30 horas:

“Novo tempo para a Unidade Popular”

-Antón Sánchez-Portavoz Nacional de Anova
-Dolors Sabater-Ex alcaldesa de Badalona
-María del Río-EH Bildu
-Modera: Eva Lema-Xornalista

No martes 25 de xullo terá lugar o acto político – que contará cunha intervención do noso Portavoz Nacional Antón Sánchez – e unha romaría e xantar popular no Parque de Galeras (Compostela), a partir das 13:00 horas. A partir das 17.00 horas contaremos coa actuación musical do Leo.

 

Antón Sánchez: «Anova valora positivamente a proposta lanzada por Compostela Aberta para resolver os problemas dentro de En Marea»

Antón Sánchez: «Anova valora positivamente a proposta lanzada por Compostela Aberta para resolver os problemas dentro de En Marea»

Xosé Manuel Beiras: «É fundamental que a vangarda das mareas se reduplique, e non pode ser obxecto de interferencias por parte de En Marea»

 

Teo, 14 de xullo de 2017.- Hoxe tivo lugar unha xuntanza ordinaria da Coordinadora Nacional de Anova Irmandade Nacionalista. Data que coincide co sexto aniversario da nosa Asemblea Nacional Constituínte. Así o noso Portavoz Nacional falou deste tempo como «seis anos moi intensos de aposta pola ruptura con este Réxime a través da ferramenta da unidade popular, de maneira xenerosa».

 

Antón Sánchez informou da valoración positiva da proposta lanzada pola coordinadora de Compostela Aberta. Unha proposta «construtiva de diálogo» na que se debe avanzar porque «o inmobilismo só serve para que apodrezan as cousas. A xente da rúa segue dicíndonos que nos poñamos de acordo entre diferentes para ser alternativa política neste país».

 

Pola súa banda, o noso compañeiro Xosé Manuel Beiras lembrou que «o proceso dunha estratexia pola unidade popular non comezou coa creación dun partido, se non que comeza co xurdimento das alternativas e proxectos a nivel local e comarcal antes das municipais de 2015». As mareas municipalistas gañaron «nos feudos do poder do Partido Popular» nos que «a cidadanía do común foi protagonista».

 

Xosé Manuel Beiras manifestou que para a continuidade do proceso é fundamental «redobrar esforzos» na consolidación das mareas municipalistas. Nese sentido existen elementos que evidencian que «En Marea non ten claro isto da autonomía municipal» con «interferencias moi graves, coma en Ferrol» En relación á proposta de Compostela Aberta, afirmou que «a interlocución non vai contra ninguén. Se hai un problema non pode negarse».

 

Antón Sánchez: «Estamos transformando a realidade do país dende os concellos»

O Portavoz Nacional de Anova Antón Sánchez denunciou a intensa e desleal política de asedio e derrubo do Partido Popular contra os gobernos municipais rebeldes e deixa en claro que «unha nova primavera municipalista en 2019» será quen de abrir un novo ciclo de reactivación cidadá, mobilización social e «disputa da hexemonía conservadora en Galicia».

Lembrou que «Feijóo foi derrotado en maio de 2015» e que o Partido Popular «só gañou en Ourense, a única cidade curiosamente sen orzamentos»

Santiago de Compostela, 12 de maio de 2018. A convención de política municipal República dos Concellos foi inaugurada polo alcalde da capital Martiño Noriega, que lembrounos «se existe espazo de liberdade existe no local. Estamos a ser agredidos polos poderes fácticos e por determinados intereses» e que «Anova concibiuse para aportar ao espazo de Unidade Popular».

Gladys Afonso e Brais Fidalgo abriron o debate nunha mesa titulada «Anova no espazo de ruptura» no que se reflexionou sobre o momento da Unidade Popular en Galiza. Posteriormente Nacho Iglesias, Alberto Lema, Álvaro Montes, Branca Novoneyra e Ana Olveira participaron na mesa «Cambiar o País dende os Concellos» que foi moderada por Xiana López.

«Reforzar as mareas municipais con todos aqueles que queren a derrota da dereita nos seus concellos»

O discurso do Portavoz Nacional Antón Sánchez estivo centrado na necesidade de activar Anova para fortalecer ás mareas municipalistas. Defendeu a cooperación de abaixo a arriba para xerar espazos políticos cidadáns con decisión propios, respectando a soberanía das iniciativas locais, potenciándoas como instrumentos de empoderamento cidadá, como lugares de encontro do maior número de axentes políticos, sociais e cidadáns, coa maior amplitude e pluralidade sumar a todos aqueles que queren e están dispostos a traballar para lograr a derrota política da dereita no seu concello.

Nese sentido enmárcase a necesidade dunha «segunda primavera municipalista» para ampliar a rede de cooperación de gobernos municipais rebeldes e construír mancomunidades e áreas metropolitanas para o desenvolvemento de políticas compartidas e para que sexan un contrapoder fronte á inxerencia da Xunta de Galicia e o Goberno Central.

Miguel Anxo Fernán Vello e Alexandra Fernández participan nunha xuntanza coa veciñanza de Marín

Miguel Anxo Fernán Vello e Alexandra Fernández explicaron á veciñanza de Marín as iniciativas para que o Ministerio de Defensa ceda gratuitamente os terreos de Penizas para poñelos ao servizo dos habitantes da zona. Coma o Campo de Tiro, e que este poida así adicarse a actividades de ocio. E o uso civil da Escola Naval de Marín.

Xunto con Miguel Anxo Fernán Vello e Alexandra Fernández, tamén participaron representantes da Marea de Marín.

A vila de Marín leva décadas soportando o impacto pola ubicación de instalacións militares sen recibir compensación algunha. É hora de que a sociedade civil sexa beneficiada. Pedimos no Congreso que ceda os terreos a Marín.

Na xuntanza, xunto coas nosas deputadas, tamén participaron representantes da Marea de Marín.

Todo listo para o referendo de Anova sobre alianzas das europeas

Hoxe Anova afronta unha xornada cun enorme exercicio de democracia interna.

1092 persoas teñen dereito a voto nas 33 mesas electorais do País.

As votacións desenvolveranse dende as 12 h ás 21 h de hoxe, 23 de febreiro de 2014, e o escrutinio global, que será público, realizarase en Gondomar, no local de Anova (r/Párroc Mariño Ferro – nº 19).

Ao centro electoral de Gondomar, onde están expostos os censos de todas as mesas electorais, comezarán a chegar os datos dende as 21 h, e alí tamén se recontará o voto electrónico emitido pola militancia da Diáspora.

En canto se dispoña dos resultados globais, penduraranse da páxina web de Anova e enviaranse á militancia.