I Asemblea

Documentos da Iª Assembleia Nacional de Anova em norma AGAL.

 

A tese política aprobada na Iª Asemblea Nacional de Anova.

Principios organizativos e Estatutos aprobados na I Asemblea Nacional, o 8 e 9 de xuño de 2013.

Principios organizativos

• Asembleas soberanas no seu ámbito local e que se confederan con vocación de permanencia para ser un actor político nacional.
• Asemblearismo entendido como a participación directa e indelegábel (collen aquí formas de referendo mediante as TIC para consultas) nas grandes decisións e na elección dos órganos de coordinación e/ou executivos nacionais así como eventuais candidaturas.
• Aceptación dun código ético partillado.
• Os órganos nacionais estarán sometidos a revogabilidade e a elección, que se tentará faceren primeira instancia por consenso, será aberta á presentación de calquera militante e cunsistema proporcional puro ou mediante listas abertas.
• Os órganos de dirección/coordinación en calquera ámbito non poden ter unha participación decalquera dos xéneros superior ao 60%.
• Estas decisións fundacionais, PRINCIPIOS ORGANIZATIVOS E ESTATUTOS, só poderán ser modificadas en Asemblea Nacional e por unha maioría cualificada de 2/3.

Estatutos

Título Preliminar

A nova organización denominarase Anova – Irmandade Nacionalista.

1. Afiliación, dereitos e deberes

Artigo 1. Ten dereito a ser afiliado/a toda persoa que así o desexe e que se comprometa a respectaras normas e principios de funcionamento e actuación democraticamente adoptados pola organización. A afiliación e integración é de carácter exclusivamente individual.

O órgano competente para aceptar unha petición de alta na organización é a Asemblea de Base correspondente. Un acordo rexeitando unha petición de alta deberá ser razoado. Alén diso poderá ser recorrido diante da Coordinadora Nacional.

Farase especial atención a aquelas persoas militantes que non residan en Galiza para garantir a súa plena integración na vida orgánica.

Artigo 2. Toda persoa afiliada terá dereito a:

1. Expresar libremente –sexa de xeito individual ou colectivo– as súas opinións dentro da organización, e publicamente como persoa afiliada.
2. Elixir, ser elixida e formular propostas de revogación nos distintos órganos, cos procedementos contemplados nestes Estatutos.
3. Participar e votar en todas e cantas situacións afecten á vida organizativa segundo os mecanismos estabelecidos nos presentes Estatutos.
4. Utilizar o material, locais e demais servizos que se poidan crear e ofrecer para os fins e actividades propias da Organización.
5. Recibir, en caso necesario, defensa, asesoría e apoio solidario en toda situación problemática que se derive ou relacione coa súa pertenza e actividade a prol ou en nome da organización.
6. Participar na proposta, planificación, elaboración, control e execución das distintas actividades que se realicen.
7. Recibir información detallada sobre todos os aspectos da vida e xestión da organización.
8. Discrepar publicamente dos acordos maioritarios.
9. Impugnar os acordos que estime contrarios aos principios ético-políticos, organizativos eestatutarios da organización.

Artigo 3. As persoas afiliadas teñen o deber de:

1. Observar os presentes Estatutos e actuar conforme aos principios organizativos e políticos democraticamente adoptados.
2. Cotizar a cota estabelecida e velar polo mantemento e conservación dos bens da organización.
3. Colaborar activamente no cumprimento dos principios e obxectivos da organización, asistindo ás xuntanzas e actividades da mesma.
4. Cumprir os acordos lexitimamente adoptados pola organización. Na Acción Institucional os acordos serán vencellantes. Na Acción Social, serán só orientacións. Os membros da organización terán autonomía para modular os acordos adaptándoos á realidade dos movementos sociais nos que interveñan.
5. Todos o órganos –e os afiliados e afiliadas en canto tais– empregarán exclusivamente a lingua galega en todas as actividades que desenvolvan e comunicados que emitan.
   En canto aos comunicados dirixidos a organismos e medios de outros países, os mesmos utilizarán a lingua galega máis a tradución á lingua deles sempre que resulte viábel tecnicamente.
   Dos medios de comunicación galegos esixirán que se publique no noso idioma –conforme ámanifestación orixinal– a transcrición das súas palabras, a fin de garantir o dereito á propia imaxe. Caso de non ser aceptada esta condición, deberase avisar ao medio de que carece de permiso para publicala traducida, e se non fose respectado o dereito á propia imaxe, o órgano ou afiliado concernido deberá facer pública protesta e denuncia.
   Asimesmo, na súa vida cotiá, as persoas afiliadas e simpatizantes deberán facer o maior esforzo pola normalización do uso da lingua galega.

Artigo 4. A condición de afiliada ou afiliado pérdese

1. Por expresa vontade de quen así o desexe, manifestada por escrito.
2. Por falta inxustificada no pagamento das cotas durante tres períodos de cotización, previo apercibimento por escrito cun mínimo de quince días de antelación.
3. Pola inobservancia dos presentes Estatutos ou dos acordos democraticamente adoptados. Neste último caso, deberá mediar sempre o correspondente proceso contraditorio de instrución de expediente que ampare os dereitos das persoas implicadas, agás para as medidas cautela establecidas nos Principios Ético-Políticos.

Artigo 5. Sobre a figura do/a simpatizante: Terá posibilidade de participar en todo o que non estea reservado á afiliación nas condicións que estabelezan para cada convocatoria.

2. Estrutura e organización territorial

Artigo 6. O noso ámbito territorial é a nación galega, sen renuncia a participar e intervir en todo aqueloutra instancia política e administrativa en que poidan estar en xogo, nun momento dado, os intereses de Galiza como pobo.

Anova fará un esforzo por asentar a súa estrutura organizativa nas comarcas de lingua galega das comunidades autónomas de Asturias e Castela e León.

Artigo 7. ANOVA organízase territorialmente en tres grandes ámbitos: local, nacional e a diáspora.

1. As agrupacións menores, parroquial ou de barrio, co carácter de grupo de traballo serán creadas pola Asemblea Local correspondente.
2. Cada asemblea é autónoma para regular a súa xestión e funcionamento, independentemente, salvo o previsto nesta regulamentación dos estatutos xa sexan orientativas ou vinculantes.
3. As asembleas nomearán unha Coordinadora Local que como mínimo de entre os seusmembros designará unha persoa para exercer de Portavoz e outra para Coordinación.
4. Poderase crear unha Permanente Local cando o desenvolvemento organizativo dunha Asemblea Local así o aconselle. Será a comisión encargada de realizar o traballo de intendencia da asemblea local.
5. As asembleas locais poderán conxuntamente convocar puntualmente á militancia do ámbito comarcal para cuestións e consultas que afecten a ese ámbito.
6. Para a coordinación desas cuestións poderase establecer unha Comisión de Coordinación Comarcal integrada por persoas designadas a tal efecto por cada asemblea constituída.
7. As asembleas locais comprometeranse a traballar para lograr un número paritario de mulleres e homes militantes.
8. As asembleas locais serán soberanas á hora de elaborar as listas para as eleccións locais sempre e cando os/as candidatos/as respecten os principios ético-políticos da organización.

Artigo 8. A Asemblea Nacional é o máximo órgano e está formada pola totalidade das persoas afiliadas. Entre os seus fins está definir a liña política e as actividades da organización no seu ámbito e reunirase ordinariamente cada dous anos. “Con carácter extraordinario reunirase por petición dun 35% da coordinadora, dun 35% das asembleas comarcais ou dun 35% da afiliación”.

As decisións no seu seo tenderán a tomarse por consenso, mais, de non ser posíbel, tomaranse por maioría das persoas presentes, agás para aquelas cuestións que requiran maioría cualificadas.

Poderán asistir ás asembleas nacionais persoas colaboradoras e simpatizantes con voz pero sen voto do xeito que se regule para cada convocatoria.

Artigo 9. Coordinadora Nacional. Como órgano colexiado con funcións de dirección política no período inter-asembleario elixirase unha Coordinadora Nacional integrada por persoas elixidas directamente na Asemblea Nacional en número de entre 50 e 75, garantindo a axeitada representación territorial. Ás persoas elixidas directamente na asemblea nacional engadirase un representante por comarca do xeito e coas condicións que se establezan nun prazo máximo de seis meses previa elaboración dun mapa comarcal e previa consulta coa afiliación (Neste momento o mapa aprobado pola Coordinadora Nacional do día 19 de xaneiro de 2013).

Para as funcións técnico executivas a Coordinadora Nacional poderá comisionar de entre os seus membros e para tarefas concretas a persoas que colexiadamente funcionarán a xeito de comisión permanente sen máis competencias que as que lle delegue a Coordinadora Nacional diante da que en todo caso responderán.

Artigo 10. As Coordinadoras son o órgano coordinador e executor dos acordos do seu respectivo nivel asemblear. A súa asemblea de referencia decidirá o número de persoas que a compoñen e os seus cometidos concretos.

Artigo 11. Dentro da organización, en todos e cada un dos niveis, poderán constituírse roldas ou grupos de traballo con finalidades puntuais e concretas, por un período determinado, ou con vocación de permanencia, como ferramentas para o deseño das liñas mestras da acción social e institucionaldo novo referente político. Desenvolveranse baixo os mesmos principios que presiden o conxunto da organización, tendo carácter deliberativo e propositivo. Como norma xeral os grupos de traballo será abertos nas condicións que se estableza para cada caso. Dotaranse dun regulamento de funcionamento que deberá ser aprobado pola Coordinadora Local ou Nacional segundo o seu ámbito de funcionamento.

Artigo 12. Anova evitará, na medida do posíbel, crear sedes da organización no sentido clásico, especialmente a nivel nacional. As sedes de Anova, de existir, tenderán a constituírse coma centros sociais –autoxestionados ou con outra forma de xestión non mercantilista– que axuden a dinamizar a nosa sociedade, den cobertura aos movementos sociais, teñan dinámicas socioculturais propias ecomo consecuencia socialicen parte dos recursos da organización.

3. Sistema de elección de responsabilidades a todos os niveis

Artigo 13. A elección de toda caste de representantes dentro da organización será, de non existir asentimento, aberta á presentación de calquera militante e cun sistema proporcional puro ou mediante listas abertas.

Toda persoa afiliada que estea ao día nos seus deberes como tal ten dereito a apresentar a súa candidatura e a participar nas votacións.

Artigo 14. Partindo de que o desexábel nun proceso constituínte é o consenso e abertos a contemplar outras fórmulas de elección para o futuro, a elección dos órganos nacionais, coordinadora nacional e comisión ética e de garantías, elixiranse en listas abertas onde o votante poderá escoller unha lista completa ou riscar persoas de distintas listas. A Coordinadora Provisoria a traveso dunha comisión fará unha proposta de listas completa do máis amplo consenso posíbel para propoñer áasemblea constituínte. Porén calquera outra persoa ou grupo de persoas poderán candidatarse libremente co único requisito de estaren inscritos como asembleístas.

Artigo 15. Todas as persoas elixidas para o desempeño de determinada responsabilidade dentro da organización, sexa no nivel que for, poderán ser obxecto de revogación dentro dos propios órganos facultados para elixilas.

Para que se proceda á revogación será preciso un quórum de 2/3 en todos os casos. Para votar unha proposta de revogación será preciso que esta estea incluída na orde do día da convocatoria do órgano ou asemblea correspondente e que exista informe por escrito en que se substancien as razóns da proposta de revogación. Para que a revogación sexa efectiva será preciso que esta sexa aprobada pola maioría das persoas asistentes ou por un número igual á metade máis unha das persoas de pleno dereito da asemblea correspondente.

Todas as persoas elixidas para o desempeño de determinada responsabilidade dentro da organización, estará sometido á limitación temporal do seu posto de responsabilidade, tanto no nivel organizativo interno como representativo. As condicións da temporalidade regularase nunha próxima asemblea nacional.

Para as persoas liberadas nacionais, esta elección, se así fose solicitado por dous quintos do número de membros da Coordinadora Nacional, sería consultada a priori á militancia.

4. Da comisión ética e de garantías

Artigo 16. Terá as funcións que se lle atribúen nos Principios Ético-Políticos e as de atender calquera reclamación das persoas ou instancias da organización que afecten a aspectos internos da mesma. Nese sentido, deberá garantir que as decisións orgánicas estean na liña marcada pola Asemblea Nacional e os Estatutos e deixar constancia das anormalidades que detecte ou das que reciba denuncia.

A Comisión de Garantías será elixida pola Asemblea Nacional e renovada na seguinte. As súas decisións adoptaranse pola maioría dos seus membros. Estará composta por cinco persoas que non poderán formar parte de ningún outro órgano da organización. Esta comisión poderá solicitar, se é ocaso, o asesoramento xurídico oportuno. As súas resolucións serán de obrigado cumprimento eacatamento polas partes afectadas, aínda que recorríbeis, en derradeira instancia, perante a seguinte Asemblea Nacional.

Adicional

As asembleas para dotárense do seu regulamento terán en conta para o seu debate a maiores do articulado destes estatutos este texto aportado sen carácter imperativo.

Dentro da autonomía de cada asemblea local para regular a súa xestión e funcionamento, estas poderán dotarse das seguintes cuestións de mínima harmonización:

O seu ámbito competencial será aquel que verse sobre as temáticas que afecten directa ou indirectamente á localidade. Naquelas materias de competencia compartida entre diferentes niveis político–territoriais, as asembleas locais deberán coordinarse co nivel organizativo que corresponda. As asembleas locais poderán ser de carácter ordinario, extraordinario ou extraordinario de urxencia. As ordes do día serán abertas e consensuadas ó inicio de cada xuntanza agás no caso dunha asemblea de carácter extraordinario de urxencia, nas que so se tratarán os puntos previamente fixados. Tenderase a respectar un tempo máximo, previamente marcado, para tratar cada punto daorde do día. Será obrigatorio a toma dunha acta da xuntanza. Poderán asistir ás asembleas locais persoas colaboradoras e simpatizantes, con voz pero sen voto, do xeito que se regule por cada convocatoria. Todas estas cuestións serán recollidas nos Regulamentos de Réxime Interno por cada asemblea local.

Cada asemblea local contará cunha coordinadora composta como mínimo por unha área ou responsable de organización, unha área ou responsable de comunicación, unha área ou responsable de finanzas, unha área ou responsable de acción institucional e unha área ou responsable de acción social.

En primeiro lugar, cómpre dicir que as contas de ANOVA-IN están ao dispor decalquera persoa afiliada que teña interese en revisar as mesmas. Por razóns obvias dediscreción e de prudencia na protección de datos, a información que se reflicte nesteinforme fai referencia ás principais cifras da nosa contabilidade ata o 30 de maio de2013. Para unha maior compresión deste informe económico optouse por dividilo entres partes.

Primeira parte: ten que ver coa situación pre-legalización de ANOVA-IN. É dicir: basicamente son as contas dos comicios ao Parlamento Galego, e polo tanto soncontas relacionadas coa coalición eleitoral AGE.Como é coñecido, ANOVA-IN até a súa inscrición definitiva no Rexistro de partidospolíticos do Ministerio do Interior carecía de personalidade xurídica propia, polo que acoalición eleitoral formalizouse entre o EI, FOG e FPG (baixo a denominaciónconxunta de Anova) e máis EU-Esquerda Unida. A día de hoxe, tanto a FOG como o EI xa asinaron a cesión “de todos os dereitos derivados dos resultados das eleccións ao Parlamento Galego do 21 de outubro de 2012 a ANOVA-IN”, faltando só a FPG por entregar o devandito documento de cesión de dereitos. Todos os movementos económicos de Anova (EI, FOG e FPG) fixéronse nunha única conta bancaria aberta pola FOG e administrada mancomunadamente pordúas persoas.

A conta abriuse con 0€ o 24/09/2012 e pechouse o 06-03-2013 cun saldo de +6,63 €.

Os gastos nese período foron de 90.857,50 € e, como xa se dixo, teñen que ver cos gastos da campaña eleitoral. En todo caso, as contas de campaña son públicas e xaestán publicadas na páxina web do Consello de Contas.

Segunda parte: son as contas propiamente de ANOVA–IN despois da súalegalización, é dicir, dende que ANOVA–IN está legalizada e se abriu a conta propiana Caixa Rural o 5 de febreiro de 2013.

INGRESOS:

GASTOS:

A maioría destes gastos teñen que ver coa actividade desenvolvida nestes meses por ANOVA–IN: alugueiro de locais para actos públicos, cuñas radiofónicas, publicidade, viaxes a congresos como convidados (a Pamplona), merca dunha equipa informática, pago de seguridade social, AEAT (facenda), alugueiro do Palacio de Congresos (1.527,59€ asemblea deliberativa), etc. Cómpre destacar o gasto de 902,70€ pola tramitación dos recibos de cotas devoltas.

Terceira parte: Esta sería a que corresponde aos ingresos e gastos do Grupo Parlamentar, cuxas contas están sometidas á lexislación en vigor así como ao réximeproprio do Parlamento Galego. En todo caso, o recollido neste informe está en correspondencia coa parte do grupo parlamentar que representa ANOVA–IN. A previsión de ingresos anuais do G.P. (ANOVA–IN) para o ano 2013, supoñendo queo Goberno Galego non recorte os mesmos son:

De non mudar as circunstacias actuais habería un superávit de 168.253,32 EUROS.

Galiza, 8 de xuño de 2013.

O resumo destes dez meses e vintecinco días de vida política de ANOVA-IN ben pode ser este: “Nunca tanto se fixo en tan pouco tempo”.

Efectivamente, así foi. Malia á precariedade de medios, a ter todos os elementos á nosa contra, ás dúbidas e ás incertezas, aos agoiros… ao final puido máis o amor á Terra e aló saímos navegar a mar aberto nunha travesía complicada e cunha tripulación tan variada coma plural segundo a súas procedencias políticas ou vitais. Mais o barco xa navega fóra da ría.

Persoas chegadas de diferentes lugares da política, en moitos casos afastados diametralmente, ou do mundo dos movementos sociais, do sindicalismo, do feminismo, do ecoloxismo, etc, incluso moitas delas non sempre ben tratadas neses lugares de orixe, coincidimos nunhas circunstancias compexas e que facían previsible a aparición de receos ou de sospeitas entre nós. O risco era evidente, pero grazas á xenerosidade e á responsabilidade política das persoas comprometidas nesta andaina, que souberon entender a importancia do momento histórico no que estabamos, fomos quen de conxurar o fracaso. Hoxe, ANOVA-IN é unha realidade vizosa que medra polo País adiante, non sen dificultades, contando xa con máis de 43 asembleas territoriais constituidas, 26 comarcas, varias alcaldías, catro deputados e deputadas no Parlamento Galego e ducias de concelleiros e concelleiras que desenvolven a pé de obra un importante traballo político e institucional en cadanseu ámbito. Sen caer en triunfalismos podemos dicir que xa somos o centro de gravidade arredor do cal terá que se construír o nacionalismo de esquerdas do século XXI en Galiza ou, dito doutro xeito, somos o lévedo sobre o que se estenderá a repolitización da nova sociedade galega, complexa e plural tanto na súa configuración coma nas súas demandas.

Cando se fala da existencia de dificultades ou problemas cómpre facermos autocrítica e recoñecer, na medida en que nos toque a cada un ou a cada unha de nós, segundo as nosas responsabilidades, que algunhas cousas non se fixeron ben. Temos que mellorar na transmisión da información facendo que sexa máis áxil e eficaz, procurar que os debates sexan máis participados e abertos e, en consecuencia, que as decisións e os acordos tomados sexan tamén máis compartidos ou horizontais, pero, sobre todo, temos que afastar definitivamente da nosa relación política a desconfianza. Sen dúbida, o remedio para superar estas eivas non é outro que a xenerosidade e o respecto. Hai outros defectos que a práctica e a acción política en común irán resolvendo.

En todo caso, e como xa se dixo, a carencia de medios, o traballo voluntarista en exceso, os vicios adquiridos de outras militancias e, se cadra tamén o feito de estarmos a construir algo novo que a moitos e moitas de nós pode resultar descoñecido, tiveran algo que ver neses erros cometidos. Mais agora cómpre poñer en valor o novo marco político, organizativo e de relación coa sociedade que puxemos en marcha na asamblea constituinte do 14 de xullo de 2012. Nestes poucos meses de vida ANOVA-IN xa deu mostras abondo das posibilidades que temos de conexión con amplos sectores da sociedade galega e coas súas demandas e maneiras de entender a política. Unha proba evidente disto é este mesmo proceso asemblear da nosa primeira asamblea nacional.

Como nacemos nós

Chamados á rebeldía cívica, experiencias colectivas de distinta índole, un debate político e ideolóxico que trascende, o proprio cambio dialético da sociedade e, por suposto, o feito histórico da Asemblea de Amio que aos efectos poderíamos comparar coa Iª Asemblea Nazonalista de Lugo de 1918, xunto á decisión de varios centos de militantes nacionalistas de abandonar o BNG, e as expectativas que semellante acontecemento creaba no ámbito da política galega, conseguiu que por fin fose posíbel a aparición dunha nova organización nacionalista de esquerdas.

Foi entón que comezaron a tomar forma polo País adiante un arquipélago de persoas agrupadas en colectivos, asembleas abertas, grupos de reflexión, etc, mais todas elas co denominador común de estar a prol dun novo proxecto político, plural e participativo, que a partires de agora temos a obriga colectiva de consolidar.

O 24 de maio de 2012, dende o NPC do Val Miñor-Oia faise o primeiro chamado a todas as asembleas das que se tiña coñecemento da súa existencia até esa altura, co rogo de que o estendesen a todos os recunchos do País onde houbese algo organizado na liña do aquí exposto, é dicir, transmitir a necesidade de nos xuntar para valorar conxuntamente a posibilidade de crear algo novo.

Cómpre recoñecer que no inicio desa andaina tivo unha grande importancia a conexión e boa sintonía entre o eixo formado polo Val Miñor e Ferrolterra. Froito de todas esas sinerxias, o 2 de xuño de 2012 ten lugar no Concello de Teo o primeiro encontro de asembleas por un novo proxecto común. Acoden ao mesmo 43 asembleas ou grupos organizados que acordan constituírse en Coordinadora Nacional provisional, cuxo manifesto se transcribe literalmente pola súa importancia e valor documental.

Poñendo os alicerces

O 16 de xuño, unha semana máis tarde, volve xuntarse de novo en Teo a Coordinadora Nacional provisional que, entre outros acordos decide convocar para o 14 de xullo de 2012 a Asemblea Nacional constituínte do novo proxecto común en Santiao de Compostela. E así foi, o 14 de xullo e como se dixera antes do remate da devandita asemblea, nace de maneira intensa e caótica, mais tamén apaixonante, ANOVA-IN. E xunto con ela os seus órganos de dirección: a Coordinadora Nacional e a Comisión de Garantías. Á súa vez, a Coordinadora Nacional escolle o Portavoz Nacional na persoa de Xosé Manuel Beiras, e posteriormente é escollida a Permanente Nacional, ámbalas dúas figuras con carácter de comisionadas e revogables pola propria Coordinadora Nacional. Outra das tarefas encomendadas pola asemblea constituínte foi a realización do mapa comarcal de ANOVA-IN nun prazo de seis meses. Por razóns obvias de tempo e de traballo político, o mapa comarcal provisional foi aprobado pola Coordinadora Nacional o pasado 19 de xaneiro cun mes escaso de atraso sobre o prazo establecido.

Como nace A.G.E.

A primeira tarefa que ten que acometer ANOVA-IN con escasos días por diante é a celebración e convocatoria do Día da Patria. Ante a imposibilidade de celebrala conxuntamente coas demais organizacións nacionalistas (baralláronse varias posibilidades), ANOVA-IN decide convocar en solitario un acto público na praza de Mazarelos, e para cuxa convocatoria tívose especial coidado en non “pisar” as outras convocatorias existentes nese día, conscientes como eramos de que nesa altura aínda compartíamos moitas cousas co resto do nacionalismo galego organizado ou non.

Cómpre poñer en destaque que nese acto da Pza. de Mazarelos tiveron unha especial participación e relevancia a xente moza de ANOVA-IN, algo inaudito no resto de organizacións políticas existentes até ese momento. Un novo xeito de facer e de entender a política en Galiza comezaba a camiñar.

O 25 de Xullo, e ante o que xa era unha evidencia do adianto dos comicios ao Parlamento Galego (foron convocados por Núñez Feijoo o 27 de agosto), o noso Portavoz Nacional fai un chamado público a todo o nacionalismo galego e á esquerda que actúa en Galiza e respecta o dereito de autodeterminación para a conformación dunha Fronte Ampla para atender á inminencia duns comicios que estaban a caer e, sobre todo, para lle dar resposta a unha situación de emerxencia nacional que o País atravesa polos efectos perversos das políticas antigalegas e neolibeirais dos gobernos do PP instalados en San Caetano e na Moncloa.

O chamado público feito por Xosé Manuel Beiras o 25 de Xullo a constituír unha Fronte Ampla colle corpo na seguinte Coordinadora Nacional que lle dá trasladado formal e por escrito ao BNG, a EU e a CxG. O BNG nin respondeu e cos demais partidos só foi posible acadar un acordo con EU, formalizado posteriormente coma coalición electoral á que se sumaron Equo e Acosocialistas, dúas formacións políticas que malia ter pouca implantación en Galiza si representan o sentir de moitas cidadás e cidadáns. E así naceu a Alternativa Galega de Esquerdas (AGE).

A ilusión xerada na cidadanía pola aparición dunha alternativa nova, unitaria, limpa e cos principios de actuación política moi claros; o bo ambiente de traballo e de cooperación entre as bases das diferentes organizacións políticas da coalición, así como a presenza e a figura indiscultible de Xosé Manuel Beiras, motivaron a moitos cidadáns e cidadás a participar nos actos convocados pola coalición, pero tamén a botar unha man nos traballos de intendecia, nas achegas económicas para financiar a campaña, etc. A todas esas persoas que nos axudaron xenerosa e desinteresadamente, GRAZAS!!!

Os resultados están aí, e sobardaron en moito as nosas mellores expectativas. Mais tamén aumentaron a nosa responsabilidade diante máis de 200.000 persoas que nos votaron e de moitas máis que hoxe nos votarían.

O futuro

Pois ben, se o 14 de xullo de 2012 puxemos os alicerces desta nova e novidosa ferramenta política, hoxe estamos avanzando na súa construción e consolidación; e mellorando colectivamente a súa maneira de funcionar para o futuro mais, se cadra, aínda nos ha levar algo máis de tempo en poñela a punto. Con todo, non debemos perder de vista as nosas responsabilidades e que fóra de aquí están agardando por nós. Sería imperdoable e un erro político de primeira orde o estarmos falando de nós permanentemente ou mirándonos o embigo, simplemente porque cando nos deamos conta nin temos País nin Pobo que nos queira escoitar.

Santiago de Compostela, 8 de xuño de 2013.

Antonio Araújo Quintas, responsábel nacional de Coordinación

A Carta Financeira marco de Anova-Irmandade Nacionalista foi aprobada na Iª Asemblea Nacional ordinaria, celebrada o 8 e 9 de xuño de 2013.

DOS RECURSOS DE ANOVA

1. Anova, como movemento político organizado que quere preservar a súa independencia respectode calquera poder alleo, en consecuencia debe evitar tamén no posíbel a dependencia dosfondos derivados da representación institucional.
2. O principal recurso de Anova–Irmandade Nacionalista é o traballo voluntario da afiliación esimpatizantes e os recursos económicos fundamentais deben ser as achegas dos homes emulleres que a compoñen e os derivados das actividades promocionais de Anova.
3. As subvencións aos grupos municipais ou parlamentares en calquera ámbito adicaranse ao finpara o que son concedidos: posibilitar o funcionamento dos grupos e a relación destes coacidadanía. En ningún caso se poderán utilizar estes fondos de xeito discrecional.
4. Respecto das remuneracións do traballo político nas institucións, e máis aló da opinión políticaque merezan as que se fixen pola administración respectiva para casos concretos, o criterio é quehai que remunerar o traballo político e, por parte de Anova, os cargos institucionais, recibirán omesmo que a remuneración que calquera outra persoa afiliada reciba polo seu traballo. Os cargosinstitucionais renunciarán ao “plus” dos altos cargos. A Coordinadora Nacional determinará encada caso a contía do que teñan que entregar á organización as persoas que desempreguencargos institucionais remunerados.
5. Mentres continúe o sistema e contía actual de retribucións, concibido para facilitar afinanciamento dos partidos políticos, as deputadas e deputados no Parlamento Galego,continuarán contribuíndo con 1.000 € / mes á Anova – Irmandade Nacionalista. De variar o réximeeconómico será a Coordinadora Nacional a competente para realizar os axustes pertinentes.
6. As cotas fixadas actualmente pola Coordinadora Nacional son só a de 1€/mes para as persoas sen ingresos e a de 3€/mes para quen ingresa o SMI, polo que cómpre que á volta da I Asemblea Nacional se fixe a cota para maiores tramos de renda.

DA ADMINISTRACIÓN, CONTROL E DISTRIBUCIÓN DOS FONDOS DE ANOVA

7. Os recursos económicos de Anova – Irmandade Nacionalista serán administrados polaCoordinadora Nacional e polas asembleas locais no respectivo ámbito. A Coordinadora Nacionalefectuará a administración por medio da persoa comisionada de Finanzas – que exercerá o seucargo de xeito específico, sen outras encomendas – e as asembleas locais por medio da persoaresponsábel desa área.As contas de Anova-Irmandade Nacionalista serán mancomunadas e precisarán a sinatura decando menos dúas persoas para realizar operacións. Os informes económicos estarán a disposición da militancia.
8. Para o control e fiscalización das contas, a CN designará catro persoas que non poderándesempeñar esa función en dous exercicios consecutivos.
9. A contabilidade de Anova – Irmandade Nacionalista rexerase polo principio da caixa única, o quenon impide que dos recursos recados por cotas as sembleas de base dispoñan para o seufuncionamento do 50% do recadado no seu ámbito.
10. Como norma xeral, as persoas que aporten traballo voluntario á Anova serán resarcidas dosgastos que esa actividade lle ocasione sempre que o traballo sexa consecuencia da encomendadun órgano da organización política. Os gastos imputaranse aos fondo do ámbito a quecorresponda, local ou nacional.
11. A Coordinadora Nacional, despois do correspondente debate nas asembleas, estabelecerá ascotas que deben de abonar as persoas, en función dos seus ingresos.
12. Toda persoa afiliada a Anova terá dereito a coñecer os datos informativos de resultados ebalance da xestión económica. A tal efecto, e con carácter mínimo semestral, remitirase unresumo comprensivo dos mesmos a cada persoa afiliada.
13. No Informe de Xestión da Coordinadora Nacional, a presentar en cada Asemblea Nacional,deberá figurar un apartado específico e diferenciado relativo á xestión económica de Anova, cosuficiente nivel de detalle de ingresos e gastos.

Santiago de Compostela, 8 e 9 de xuño de 2013.

A seguir figuran os arquivos dos textos da Primeira Asemblea Nacional de Anova.

É importante lembrar que cadaquén debe levar os seus textos impresos, por canto a organización non fornecerá este servizo.

Relación de textos