PROTOCOLO DE XESTIÓN DE PAGOS
Debido a que ANOVA-Irmandade Nacionalista se rexe polo principio de caixa única, as necesidades de gasto ordinarias das distintas asembleas locais así como as da organización a nivel nacional, deberán cumprir os seguintes requisitos:
1 | Ditas necesidades dirixiranse á persoa responsábel da área correspondente da Comisión Permanente.
2 | Cada solicitude de gasto conterá como mínimo a seguinte información:
- a) Obxecto do gasto
- b) Identificación e sinatura da persoa que o solicita
- c) Breve xustificación
- d) Orzamento ou factura pro-forma
3 | Os gastos superiores a 3.000 euros deben acompañarse de polo menos 2 ofertas competitivas a fin de asegurar a eficiencia do gasto a realizar. Estes gastos deben ser aprobados pola Comisión Permanente.
4 | É a persoa responsábel de finanzas quen autoriza o pago, coa supervisión e sinatura da responsábel de organización.
5 | Asemade, é a responsábel de finanzas quen decide con cargo a que conta bancaria se fai o pago do gasto, xa sexa unha conta nacional como unha local.
6 | Informarase mensualmente á Comisión Permanente dos gastos realizados no mes anterior.
7 | A principios de cada ano presentarase na Coordinadora Nacional o balanzo de ingresos e gastos do ano anterior, poñendo a disposición da mesma para a súa fiscalización, as facturas pagadas durante ese ano.