Video
Antón Sánchez: «A Lei de Rehabilitación baleira os núcleos para darllos aos lobbies inmobiliarios»
Antón Sánchez, no Parlamento de Galicia, a conta da Lei de Rehabilitación sinalou: “A nova Lei de Rehabilitación da Xunta modifica leis de hai só 2 anos pola porta de atrás. Significará un caos normativo e liberalizador para beneficio dos lobbies promotores. Non queremos políticas de exclusiva rehabilitación arquitectónica nin leis que expulsan á xente das súas casas para darllas ás grandes promotoras. Esta Lei de Feijóo crea un gorentoso mercado coas ruínas dos núcleos rurais convertendo os concellos en verdadeiros axentes inmobiliarios. Baleirado de núcleos provócase abandono, coa entrada de capital privado desembocará en xentrificacion. Ese é o fluxo especulador da nova Lei. O “Canon do Abandono”, nova figura de dubidosa legalidade, mentres seguen sen regular o incremento do IBI para vivendas baleiras. Con esta nova Lei a Xunta abre tamén a porta á expropiación forzosa, que non é máis ca un elemento extorsionador polo que aceptas o convenio ou che minoran o 50%. En definitiva, a Lei modifica pola porta de atrás as Leis do Solo e a de Patrimonio. É o xogo revolto e a falta de planificación aos que nos ten acostumados o PP».
Antón Sánchez: «Galicia é un folio en branco no mapa de transporte debido á submisión de Feijóo»
Rolda de prensa de Antón Sánchez no Parlamento de Galicia anunciando a pregunta que se lle fará a Feijóo no vindeiro Pleno polo seu estrepitoso fracaso nas políticas de infraestruturas e transporte para o país.
Antón Sánchez: «A Lei de Acompañamento busca engordar patrimonios privados a conta de recursos públicos»
O vicevoceiro de En Marea no Parlamento de Galiza, Antón Sánchez, sinalou: «É unha lei de fraudes, contabilidade cosmética e fracasos, a Lei de Acompañamento caníbal do PP só busca crear un mercado onde se enriquezan amigos políticos e comisionistas agradecidos. Así engordan patrimonios privados a conta dos recursos públicos. Entregan o monte ao capital máis voraz. Engordan a industria do lume. Non se cansan de poñerlle alfombras vermellas a empresas de destrución coma ENCE e elas non se cansan de engraxarlles as portas rotatorias»
Antón Sánchez denuncia a deriva autoritaria do Goberno do Estado
Antón Sánchez denuncia a deriva autoritaria do Goberno do Estado e expresa a solidariedade de En Marea cos “representantes lexítimos” do pobo de Catalunya.
Antón Sánchez: «Que paixón pola Constitución cando se trata de Catalunya, e que pouca cando se trata da vivenda!»
O vicevoceiro de En Marea no Parlamento de Galicia e portavoz nacional de Anova, Antón Sánchez, critica as políticas “superficiais e de propaganda” do PP e do Goberno Feijóo coas que tentan agochar o seu total fracaso en política de vivenda e a súa “complicidade” no drama dos desafiuzamentos que en Galicia continúan a medrar.
Os desafiuzamentos medran en Galiza. Externalizan ata a planificación do transporte. As políticas da Consellería de Vivenda e Infraestruturas é totalmente improvisada, e un absoluto fracaso. Soamente manteñen políticas superficiais e de propaganda que non obteñen resultados positivos.
Antón Sánchez: «É intolerable que Feijóo non rinda contas da súa xestión nefasta na vaga de incendios»
Para Antón Sánchez “é intolerable que Feijóo non compareza «ata que compile toda a información”». Iso si, a conselleira veu dicir o día despois que o 100% dos lumes foron provocados. A sociedade debemos esixir que se asuman responsabilidades políticas na xestión dos incendios. Basta xa de campañas publicitarias!”
Antón Sánchez: «A balsa tóxica de Monte Neme é o modelo de país do PP»
Antón Sánchez pregúntalle ao vicepresidente da Xunta se a balsa de Monte Neme é o modelo do PP para Galiza, o seu xeito de conseguir que as grandes empresas extraer a riqueza, deixar aquí os efectos ambientais negativos e logo marchar cos beneficios a outra parte.
Antón Sánchez: «Lembra señor Feijóo cando dicía, fachendoso, que con vostede non morría xente nos incendios»
Antón Sánchez lembra as declaracións de Feijóo en 2007 falando dos lumes do verán de 2006 nas que dicía “con nosotros no moría gente en los incendios. Con ellos 4 muertos”. Na súa intervención sobre a Lei de fomento de iniciativas empresariais do PP, Sánchez destacou que suporá afondar no modelo que está a provocar a situación de emerxencia a causa dos lumes.